15 01 ‘ 2023 museomag
MEET THE ARTIST
Frankräich opkomm ass a sech duerch eng fräi, ab-
strakt kënschtleresch Approche an eng grouss Gestua-
litéit auszeechent, maassgeeblech gepräägt. Den Tapié
huet den Unger a senger kënschtlerescher Entwécklung
suivéiert a 1981 souguer eng Monographie iwwert hie
bei der Librairie Source zu Paräis rausbruecht. Iwwert
den Tapié huet den Unger och den Ante Glibota kenne-
geléiert, mat deem hien du laang Zäit zesumme
geschafft huet an deen eng ganz Rei Publikatiounen a
grouss Ausstellungen iwwert hie gemaach huet.
PYROCHIMIOGRAMMES
Et war relativ fréi a senger Karriär, an den ugangs 70er
Joren, wou den Arthur Unger, no ville Versich an Expe-
rimenter zu senger Technik mam Koffer a mam Feier,
dem sougenannten Pyrochimiogramme fonnt huet.
Et ass eng bis dato eenzegaarteg Technik, déi aus
enger Rei Aarbechtsschrëtt besteet a fir déi Koffer-
blieder, deelweis vu verschiddenen Déckten, als
Support benotzt ginn:
- An enger éischter Phase moolt den Artiste eng
Zeechnung mat Encre de Chine, déi d’Eegenschaft
huet feierresistent ze sinn, op de Koffer.
- Dono ginn d’Blieder da mat liicht gesaiertem oder
gesalztem Waasser behandelt an dréchne gelooss.
- Schliisslech ass et dann un der Zäit fir d’Inter-
ventioun mam Feier, wouduerch de Koffer op ver-
schiddene Plazen oxidéiert. Jee no der Intensitéit vun
der Flam an der chemescher Behandlung am Schrëtt
vu virdrun erginn sech divers Faarwen um Koffer.
- An enger leschter Phase beaarbecht de Kënschtler
d’Kofferblieder deelweis nach mat Bläistëftsfaarwen
oder Encre de Chine, fir déi duerch d’Hëtzt vum Feier
entstane Faarwnuancë nach méi ervirzehiewen.
Den Arthur Unger ass net deen eenzegen Artist, fir
deen d’Element vum Feier eng grouss Faszinatioun
ausléist. 1961 huet de franséischen Artist Yves Klein
zum Beispill seng berüümte Feier Biller geschaaft,
andeems e probéiert huet d’Flam vu groussen
industrielle Brenner ze kontrolléieren an domadder op
déckem, deelweis mat Waasser beaarbechtem, Kartong
ze “molen”. An Däitschland ass de wuel bekanntste
“Feiermoler” den Otto Piene, Matbegrënner vun der
Konschtbeweegung ZERO, dee schonn Enn vun de
50er Joren ugefaangen huet mam Feier op der Toile ze
experimentéieren.
ECH SINN E „PEINTRE DE LA MATIÈRE“
D‘Technik vum Pyrochimiogramme huet dem Arthur
Unger erlaabt op eng villfälteg Manéier mat der
Interventioun vum Feier op der Matière vum Koffer
