29 04 ‘ 2020 museomag
SCHOULOFFER
stellunge präsentéiert Thematiken, Froestellungen
oder eenzel Objeten opgräifen, mee och déi praktesch
Ëmsetzung an den Oflaf vun de Aktivitéite festgehale
ginn. Och d‘Kommunikatioun iwwert dës Programma-
tioun ass e wichtege Volet: d’Texter an d‘Fotoen, fir déi
eenzel Offeren ze illustréieren, musse produzéiert ginn;
de grafesche Layout vun der Broschür muss gemaach
ginn, an nom Drock, mussen d’Schoulprogrammer ver-
schéckt respektiv verdeelt ginn.
D’Organisatioun vun den Aschreiwungen, déi ab
Mëtt September an enger grousser Unzuel erakomme
souwéi d’Koordinatioun par Rapport zu den Disponibi-
litéite vun eise Guiden ass deen zäitintensiivsten Deel
vun der Aarbecht, bei deem vill Gedold a Flexibilitéit
gefrot ass.
DÉI SANITÄR RESTRIKTIOUNE MAACHEN
D‘SPILL NET MÉI EINFACH
Besonnesch dëst Joer stinn duerch déi ganz COVID-19
Problematik vill oppe Froen am Raum, déi et zu enger
Erausfuerderung maachen, sech op déi kommend
Schoulsaison virzebereeden. Un déi ënnerschiddlech
sanitär Mesuren, wéi zum Beispill d’Restriktioun vun
der Unzuel u Leit, déi sech zesummen als Grupp duerch
de Musée duerfe beweegen, muss sech och beim
Encadrement vu Schoulklasse gehale ginn. De Fait,
dat mir pro Aktivitéit just eng beschränkten Zuel
u Schüler kënne mateneen unhuelen, erschwéiert
d’Organisatioun an d’Koordinatioun vun de Schüler-
visitten natierlech erhieflech.
Wéi all Joers, leeë mir och wärend dësem Schoul-
joer vill Wäert op eng gréisstméiglechst Flexibilitéit fir
d’Organisatioun vun de Rendezvous‘en. Souwuel
wat d’Datumer an Horairen ugeet, wéi och de Sujet
an d’Format vum Besuch am Musée soll bescht-
méiglech un de Besoin vun dem schoulesche Public
ugepasst ginn, notamment mat Offere „sur mesure“.
Michèle Platt
De Schoulprogramm – fir de Fondamental a fir
d’Lycéeën – kann och vun den Enseignanten
direkt bei eis bestallt ginn. Méi Infoen iwwert:
servicedespublics@mnha.etat.lu
