6 museomag   01 ‘ 2020 
© 
CHdN 
AUSSERGEWÉINLECH PATIENTEN (2/2) 
gewibbelt an net geotemt hunn. Fir eng Kéier hu mir net 
missen op mënschlech Aspekter an op d’Stralendosis 
Récksiicht huelen, mä mir konnten eis eenzeg an eleng 
op d’Qualitéit vun de Biller konzentréieren, wat fir eis 
eng eenzegaarteg Erfarung war. 
Bis spéit an d´Nuecht era ware mir domadder beschäf- 
tegt, all eenzelt Konschtwierk optimal ze analyséieren, 
sou vill wéi méiglech Informatiounen ze sammelen an 
d’Statuen duerno fir hir Heemrees erëm sécher anze- 
paken. 
ENG EEMOLEG ERFARUNG 
Puer Deeg méi spéit hu mir eis op e Neits getraff. Déi 
dausende vu Biller goufen traitéiert a verschafft, datt 
eng ganz präzis Analys méiglech war. De spezifesch 
medezineschen Dicom-Format ass an ee Jpeg-Format 
ëmgewandelt a fir déi weider Aarbecht exportéiert ginn. 
Zesummen hu mir d’Interpretatioun vun den Opname 
gemaach fir souwuel vun den technesche Kenntnisser 
iwwer d’Konschtwierker vun de Restaurateuren, wéi vun