4 museomag   01 ‘ 2020 
AUSSERGEWÉINLECH PATIENTEN (1/2) 
SKULPTURE VUM PEDRO DE MENA, DI AM JANUAR AM NATIONALMUSÉE   
AUSGESTALLT GINN, GOUFEN AM SPIDOL ZU ETTELBRÉCK AM VIRFELD ËNNERSICHT 
Munchmol kommen déi interessant Momenter op der 
Aarbecht ganz onerwaart. Leschte Summer krute mir 
d‘Ufro, ob den CHdN sech eng Collaboratioun mam 
MNHA virstelle kéint: Spuenesch barock Skulpturen? Bei 
eis an der Klinik? Um Röntgenapparat? D’ganz Röntgen- 
ekipp war direkt hell begeeschtert: Do musse mer mat- 
maachen! Doropshi koum technesch Ekipp vum Musée 
an d‘Spidol fir eis de Projet méi am Detail ze presen- 
téieren. Si wollten de Visiteure vum Fëschmaart de Bau 
vu polychrome Statuë verständlech maachen. Mä wéi 
de Support ënnert der Faarf weisen? Eng Röntgen war 
hir Propose. An e Scanner, war eis Reaktioun op d’Kom- 
plexitéit vun der Bannestruktur vun den Objeten. 
Mir hunn eis schonns an eis Aventure projezéiert. 
Awer d‘éischt war mam Generaldirekter vum CHdN 
ze klären, ob an ënnert wéi enge Konditioune mir den 
MNHA ënnerstëtze kéinten. Da stoung och d’Fro vun 
der Ëffentlechkeetsaarbecht am Raum: Press oder net? 
Mir waren eis bewosst datt net jiddereen Verständnis 
dofir hätt. Ma de Sujet war sou interessant an ongewé- 
inlech datt et derwäert wier, dëst no baussen ze kom- 
munizéieren. Och war d’ganz Ekipp domadder avers- 
tanen, benevol ze schaffen, zu engem Moment wou 
mir keng programméiert Ennersichunge méi maachen. 
Dat, fir souvill wéi méiglech Kriticken iwwert d’Benotze 
vu medezineschen Apparater fir netgesondheetlech 
Erfuerschung vun den Aarbechtsmethode vun engem spuenesche Bildhauer aus dem 17ten Joerhonnert mat oninvasive Methoden. 
© 
tom lucas