31 03 ‘ 2018   museomag 
BUDDING 
ARTIST 
Am Kader vun der éischter Editioun vun de Luxembourg 
Museum Days den 19. an 20. Mee konnte Grouss a 
Kleng d’Muséeën uechtert Land entdecken. Op dësem 
Weekend haten eis Muséeën och e spezielle Programm 
fir eis jonk Visiteure proposéiert. 
Am Nationalmusée gouf et nieft de flotte Kanner- a 
Familljevisiten och zwee Bastelatelieren an deene sech 
d‘Kanner kreativ austobe konnten. Bijouen am Stil vun 
Art déco waren nees voll an der Moud, jidderee konnt 
säin eegenen Accessoire mat faarwege Bännercher, 
Pärelen, Steng a Fiedere selwer gestalten. Besonnesch 
déi bont Fiedere si gutt bei de Kanner ukomm. 
Am Musée Dräi Eechelen sinn net nëmmen d’Kanner 
op hir Käschte komm, och déi Erwuessen hunn sech 
amuséiert de Festungsmusée mat de berühmte Lego 
Bricks nozebauen. 
Deen, deen et e bëssi manner geckeg wollt, konnt 
sech eng Ketten aus Bernstein bastelen. De Steen, deen 
als Gold aus dem Mier bezeechent gëtt, huet awer als 
éischt missen beschafft ginn. D‘Kanner hunn den Haarz 
mat grousser Begeeschterung ofgeschlaff a poléiert fir 
domat hiren individuellen Unhänger ze kreéieren.