9 02 ‘ 2018   museomag 
Op verschidde Plaze gi Sondage gemaach oder kleng 
Prouwe geholl, fir ze kucke wat ënnendrënner zum 
Virschäi kënnt. Och gëtt am Virfeld getest, wéi d’Toile 
an d’Faarfschicht sech verhalen. 
Eréischt dono ginn déi éischt Couche vum Vernis 
oder den Iwwermolunge mat engem Léisungsmëttel 
ofgedroen oder, bei méi delikate Stellen, ënnert dem 
Mikroskop virsiichteg mam Skalpell erofgekraazt. 
Bedeit Restauréieren dann net och Zerstéieren? 
D’Aarbecht vum “Entrestauréieren” ass kloer destruktiv, 
déi ewechgebotzten Iwwermolungen sinn duerno 
onwidderruflech verluer. Dofir ass et sou wichteg, datt 
alles dokumentéiert gëtt an déi verschidden Etappe vun 
der Restauratioun mat Fotoe beluecht ginn. D’Ofdroe 
vu Retuschen an Ajouten, déi och en Deel vun der 
Geschicht vun engem Wierk sinn, geschéien ëmmer an 
Ofsprooch mam Conservateur oder mam Propriétaire 
vum Wierk. 
Restauréieren heescht awer net Verschéinerung 
oder Verfälschung! 
D’Aarbecht geschitt ëmmer am Respekt virum Original 
an déi nei Retusche musse souwuel erkennbar wéi och 
reversibel sinn. 
Michèle Platt 
INTERVIEW 
Dësen Atelier Kuck de Koekkoek gëtt bis de 17. 
August all Mëttwoch a Freiden animéiert, Moies 
tëschent 10 an 12 Auer a Mëttes tëschent 14 an 17 
Auer. Gruppeféierunge si méiglech op Nofro beim 
Service des publics via 
Mail: patrimoine@mnha.etat.lu 
oder 
Telefon 47.93.30-214.