28 museomag 02 ‘ 2021
Am Mount Februar gouf et eng flott interdisziplinär
Kooperatioun mam Dikrecher Geschichtsmusée a
weidere kulturellen Acteuren, wéi zum Beispill den
Naturmusée, déi de Schüler aus dem Fondamental
zegutt komm ass. Op Initiativ vum Dikrecher Musée,
déi 2020 an d‘Liewe geruff gouf, hunn déi verschidden
institutionell Partner och dëst Joer am Kader vun
enger Journée découverte dozou bäigedroen, de
Schoulklassen d‘Muséeswelt e bëssi méi no ze bréngen
an si mat Hëllef vu prakteschen Aktivitéiten op d’Kultur
an dat historescht Ierwen zu Lëtzebuerg opmierksam
ze maachen.
De ganze Projet, dee wéi och schonns bei der éischter
Editioun ronderëm Vältesdag organiséiert gouf,
stoung ënnert dem Thema Léift. D’lescht Joer hat den
MNHA an de Raimlechkeete vum Dikrecher Musée op
e prakteschen Atelier agelueden, deen op d’Mënz a
Medaillen aus senger Sammlung agaangen ass a be-
sonnesch déi Exemplarer mat Rousen- a Blummen-
oofbildunge virgestallt huet. D‘Schoulklasse sinn
deemools op verschidde Statiounen am Roulement
vu jeeweils zwanzeg Minutte vun de Mediateurs-
equippen aus de verschiddenen Instituter encadréiert
ginn. D’Journée vun 2020 hat esou just nach virum
éischten allgemenge Corona-Lockdown stattfonnt.
Dëst Joer hunn d’Equippen sech missten den aktuelle
sanitäre Mesuren upassen. Vu dat de kulturelle
Rendez-vous zu engem Moment stattfanne sollt, an
deem d’Schoulen net hunn dierfen op pädagogesch
Ausflich goen, war Flexibilitéit gefrot fir de ganze
geplangte Programm coronatauglech ze maachen.
WE GO DIGITAL, WAR DUNN D’LÉISUNG
Wéi an Zäite vun der Pandemie sou oft, hunn d’Organi-
sateuren op den direkte perséinleche Kontakt mat
de jonke Participante misste verzichten an hunn eng
digital Alternativ misste fannen. Fir d’Offere vun de
verschiddene Partnerequippen all an d’Klassesäll ze
bréngen, sinn d’Aktivitéiten am Virfeld op Video op-
geholl ginn. Mat enger professioneller Filmequipe sinn
déi praktesch Workshops a Form vun den typeschen
tutorials festgehale ginn, fir duerno an de Schoulen
D’MNHA Médiatricen Kim Thommes an Nadina Faljic si bei der Presentatioun vun hirer Bastelaarbecht gefilmt ginn – de Video
konnten d‘Schüler sech duerno am Klassesall ukucken
E VIRTUELLE SCHOULAUSFLUCH
„JOURNÉE DÉCOUVERTE“ AM DIKRECHER MUSÉE: ENG FLOTT INTERDISZIPLINÄR
ZESUMMENAARBECHT TËSCHT DE MUSÉEËN
© ben müller
