MuseoMag: MuseoMag 2021_03

MuseoMag 2021_03

Metadata

Periodical

Title:: MuseoMag

Periodical volume

Title:: MuseoMag 2021_03

Article

Title:: "Schroeder" oder "Schröder" : A wou kënnt den Numm hier ? : Eng Kuriositéit op der Fassad vun onsem Wiltheim-Fligel

30 museomag 03 ‘ 2021 „SCHROEDER” ODER „SCHRÖDER”: A WOU KËNNT DEN NUMM HIER? ENG KURIOSITÉIT OP DER FASSAD VUN ONSEM WILTHEIM-FLIGEL Op nëmme méi e puer seele Giewelen an onser Stad verstoppe sech, meeschtens iwwert enger Fënster an enger fréierer Kellertrap, nach längel- zeg vertikal Lächer, déi ënnen eng ofgerënnte Form hunn an uewen horizontal sinn. Wat huet et dann elo mat deene kuriéisen Nischen op sech? Dat sinn déi sougenannte „Schrotlächer”. Zwee sinn der iwwregens un der Fassad vun onsem Musée am Wiltheim Fligel ze gesinn. Hei e Bild dovunner. (Foto) Dës Nisch goufe vun de Wäifässer-Transporteure be- notzt fir kënne mat engem Bamstamm, deen an dat sougenannte Schrotlach gestemmt gouf, d’Fässer an de Keller sécher iwwert d’Kellertrap (oder eng Schrot- leeder) erofzeloossen, resp. erop ze zéien. Mat Hëllef vu Seeler, déi um Stamm an um Faass festgemaach goufen, ass esou eng Zort Fläschenzuch entstanen. (Skizz) Déi Transporteure woren an enger Brudderschaft zesummegeschloss, der „Schréiderborschtenzonft”. Zu Éinen ass et z. B. esou eng Brudderschaft ginn. Si hat ganz streng Reegelen, well all Schréider hat eng grouss Responsabilitéit fir de Wäi sécher vum Wënzer bis bei de Client an de Keller ze transportéieren. Alkoholkonsum wor strengstens verbueden an Acciden- ter woren och alt heefeg. De Loun vun der Aarbecht gouf zum Deel dofir an eng Keess verséiert, fir de Betraffenen am Fall vun enger Invaliditéit, Krankheet oder engem Accident hëllefen ze kënnen. Dat Wuert „schrötern” soll „schleefen” oder „zéien”» bedeiten. De Familljennumm „Schroeder” oder „Schröder” kënnt also direkt vun där Brudderschaft hier. Wou kann een dann haut nach esou Iwwerreschter vu fréier bewonneren? Et muss ee wëssen, datt der vill bei Re- novatiounsaarbechte verschwonne sinn, mee an der Uewerstad fënnt een der haaptsächlech nach un de Giewele vu Refugien, Kléischter oder Abteien, a. s. w.: • am Haff hannert der St. Alfonskierch (rue Willy Goergen), • am Haff vum Bistum Lëtzebuerg an der rue du Genistre (Lantergässelchen), • am Haff vum Refugium vun der Iechternacher Abtei (queesch vis-à-vis vum groussherzogleche Palais), • am Haff vum Refugium vun der Abtei St. Maximäin vun Tréier, lénks vum Agank (haut Ministère d’État/ Présidence du Gouvernement), (Foto uewen) • lénks niewent dem Haus „Ënnert de Steiler” um Fëschmaart, Am Haff vum Refugium vun der Abtei St. Maximäin vun Tréier, lénks vum Agank (haut Ministère d’État/Présidence du Gouverne- ment), fënnt een nach d’Spuere vu sougenannte „Schrotlächer”. © tom lucas

Access restriction

Copyright

fullscreen: MuseoMag 2021_03

Periodical

Periodical volume

Article

Table of contents

Downloads

Full record

This page

Image fragment

Formats and links

Formats

Links

Cite

Full record

This page