MuseoMag: MuseoMag 2023_01

MuseoMag 2023_01

Metadata

Periodical

Title:: MuseoMag

Periodical volume

Title:: MuseoMag 2023_01

Article

Title:: "Mäi Yin a mäi Yang" : Eng Visitt beim Arthur Unger doheem, en Univers vu Feier-a Waasserbiller

14 museomag 01 ‘ 2023 © éric chenal An der Lëtzebuerger Konschtzeen gesäit den Arthur Unger sech méi als en Eenzelgänger, deen säin eegene Wee gaangen ass a sech net vun anere beaflosse gelooss huet. „MÄI YIN A MÄI YANG“ (1/2) ENG VISITT BEIM ARTHUR UNGER DOHEEM, EN UNIVERS VU FEIER- A WAASSERBILLER An engem idylleschen Atelier matten an der Stad, ëmgi vu Beem a Gréngs, verbréngt de Lëtzebuerger Kënschtler Arthur Unger seng Zäit am Léifsten. Den 92- Joer alen Artiste huet sech säit dem Ufank vu senger Kënschtlerkarriär an de 1970er Jore virun allem duerch seng gestuel Encres de Chine a seng innovativ Technik vum Feier op Koffer hei zu Lëtzebuerg an am Ausland e Numm gemaach. Am Kader vun de Virbereedunge fir d’Ausstellung, déi am Fréijoer d‘nächst Joer am Nationalmusée wäert opgoen, hunn ech de Kënschtler bei him doheem getraff. Mat de wanterlechen Tempe- rature vun dobaussen hu mir eis decidéiert d’Visitt vu sengem Atelier, dee sech no vu sengem Haus befënnt, op ee méi waarmen Dag ze verleeën. Mee och wann een dem Unger säin Doheem betrëtt, fillt een sech séier a säi ganz eegenen a perséinlechen Univers vu Feier- a Waasserbiller eraversat. Mat ronn 30 Wierker wäert sech d’Ausstellung op dës zwee, sech kontrastéierend, Aspekter vu sengem Wierk, oder wéi den Arthur Unger et gären nennt, “mäi Yin a mäi Yang”, konzentréieren. ENCRES DE CHINE Dem Arthur Unger seng Encres de Chine bestieche virun allem duerch hir fräi an dynamesch Gestualitéit. Den Artist selwer beschreift se als flüchteg, spontan an direkt Trace vum Liewen. Et wier eng Molerei déi “esou aus him erausspréngt”, en Ausdrock vu senge perséinlechen Erliefnisser an vun deem wat an him bannendra virgeet. Och nach Psychogrammes genannt, erënneren dës schwaarz-wäiss Zeechen u chineesesch Kalligraphie. 1972 definéiert de Jean-Marc Refeuil Psychogramme als «œuvre informelle, porte témoi- gnage par son émergence des forces enfouies de la psyché de la vie intérieure de l’artiste». Duerch seng Aarbechte mat Encre de chine ass et och zu enger wichteger Renconter komm, déi e groussen Afloss op de Verlaf vum Unger senger Karriär hat. 1970 huet hien zu Paräis de bekannte franséische Konschtkritiker Michel Tapié kennegeléiert. Den Tapié huet de Begrëff vum art informel, e Sammelbegrëff fir eng Konschtrichtung, déi an der Nokrichszäit a

Access restriction

Copyright

fullscreen: MuseoMag 2023_01

Periodical

Periodical volume

Article

Table of contents