MuseoMag: MuseoMag 2021_02

MuseoMag 2021_02

Metadata

Periodical

Title:: MuseoMag

Periodical volume

Title:: MuseoMag 2021_02

Article

Title:: "Et rullt !" : Den Atelier vum Robert Brandy als Kuliss fir en Dokumentarfilm am Optrag vum MNHA

7 02 ‘ 2021 museomag „Einfach ganz relax“, seet de Kameramann zum Kënschtler. Dëse laacht a mécht sech et bequem um Stull. „ET RULLT!“ (1/2) DEN ATELIER VUM ROBERT BRANDY ALS KULISS FIR EN DOKUMENTARFILM AM OPTRAG VUM MNHA „Moien,“ rifft e mir entgéint, wéi ëmmer gutt gelaunt. „Komm eran!“ Ech ginn dem Mann mam ikoneschen Hutt no, eran an de faméisen Atelier vum Robert Brandy. Et ass nach fréi an dobaussen dämmert et, mee d’Filmmécher an ech gi schnell gewarnt: „Bis 11 Auer musse mir heinidde fäerdeg sinn, da schéngt d’Sonn ze staark eran.“ Oh!, denke mir, da musse mir eis begannen. D’Kuliss fir eisen Dokumentarfilm an Trailer fir déi kommend Retrospektiv vum Brandy am MNHA steet dee Moment schonn esou gutt ewéi: Den Atelier weist sech vu senger fotogeenster Säit, d’Pinsele sti stolz an enger Rei, de Billerstock ass voll, déi faarweg Pigmenter stralen an déi neiste Biller hänken am Hannergrond un der Mauer. Mir musse just nach en Dësch an e Stull an Zeen setzen, da kënne mir mam Interview ufänken. Dat duecht ech zumindest. D’OPRIICHTEN AN DÉI SUBTIL KONSCHT VUM BELIICHTEN Dunn awer goufe mir iwwerrascht vum deem wat d’Filmmécher ausgepaakt hunn: Eng ganz Rëtsch u Kameraen an Objektiver, Stativer, Luuchten, prabbeli- förmeg Liichtdiffusoren, e grousse gëllene Reflekter, Mikroen, Kabelen, nach weider Kabelen an zousätzlech Akkuen. Vill vum Material déngt dozou, déi perfekte Luucht ze schafen. Diffuust Liicht ass mëll a flächeg, dat heescht, dass kaum Kontraster, wéi zum Beispill Schieter, entstinn. Dofir gëtt eng direkt Luucht aus enger Liichtquell duerch en Diffusor, deen zum Beispill aus Stoff ka sinn, gedämpt a gläichméisseg zerstreet. Am Géigesaz dozou steet direkt Liicht, dat wéi e Scheinwerfer, e Géigestand oder eng Persoun ganz geziilt beliicht an domat eng gewëssen Theatralik entstoe léisst. De Brandy soll elo proufsëtzen, him gëtt erkläert a wéi eng Richtung e soll kucken wann en erzielt. „Einfach ganz relax,“ seet de Kameramann zum Kënschtler. Dëse laacht a mécht sech et bequem um Stull. Erstaunt ware mir wéi ee vun de Filmmécher déi original Luuchtebir aus dem Kënschtler senger grénger Schreifdëschluucht erausgeschrauft huet fir se mat enger ze ersetzen, déi hie mat sengem Smartphone konnt regléieren. Net nëmme konnt hie se iwwert säin Telefon un- an ausmaachen, mee och eng Faarf bestëmmen. Mir hunn eis géint moofgetëppelt a fir eng waarm, gielzeg Luucht entscheet. „Esou ass et gemitt- lech,“ seet de Brandy a betruecht déi schéin Atmosphär a sengem Atelier. © éric chenal TOURNAGE

Access restriction

Copyright

fullscreen: MuseoMag 2021_02

Periodical

Periodical volume

Article

Table of contents

Downloads

Full record

This page

Image fragment

Formats and links

Formats

Links

Cite

Full record

This page