MuseoMag: MuseoMag 2019_04

MuseoMag 2019_04

Metadata

Periodical

Title:: MuseoMag

Periodical volume

Title:: MuseoMag 2019_04

Article

Title:: "Béis Zonge soen : 'Et gëtt all Dag do Theater gespillt¨." : Interview mam Frank Hoffmann, Direkter vum Théâtre national du Luxembourg (TNL)

13 04 ‘ 2019 museomag Wéi dréckt sech déi gesellschaftlech Trennung tëscht Biergertum an Aarbechterschaft an der Fro vum Wahlrecht aus? Um Enn vum 19. Jorhonnert gouf den Zensus ëmmer méi a Fro gestallt, dat heescht, datt een huet missen e gewëssenen Taux u Steiere bezuelen, fir dierfen ze wielen. Munch Politiker hu fonnt, de Besëtz däerft net méi de Kritär sinn, well et géife Leit ginn, déi vill Besëtz hätten, awer net vill am Kapp. Et misst een d’Leit duerch d’Erzéiung zum Wahlrecht bréngen. Anerer hu gesot: D’Zeitunge gi jo an all Stot eran, all Mënsch um klengsten Duerf weess dach haut, wat lass ass. Wéi den Zensus vun 30 op 15 Frang erofgesat sollt ginn, huet dat amplaz vu knapps 7.000 bal 14.000 Wieler bedeit - ëmmer nach eng ganz kleng Zuel par rapport zur Be- vëlkerung, mä trotzdeem eng enorm Steigerung. Wéi wäerten déi nei Leit ofstëmmen? Et wor eng gewësse Panik do. A bei all Panik, déi de Mënsch huet, geet et ëmmer och ëm hie selwer; e fäert ëmmer, datt dat, wat en huet, verluer geet. Richteg zentral gëtt d’Fuerderung awer eréischt am Éischte Weltkrich, do mécht d’Vollek sech entscheedend bemierkbar. De grousse Streik vun 1917 a seng Nidderschloung, dat ass e ganz wichtege Moment an der Entwécklung vum Wahlrecht, och wa keen direkten Zesummenhang besteet. D’Wahlrecht gëtt ëmmer méi als Léisung fir ganz vill Problemer ge- sinn, an iergendwann och als inevitabel, souguer fir déi Politiker, déi dergéint waren. Si hunn iergendwéi ge- spuert: Mir kommen net méi derlaanscht. 1919 gëtt jo och d’Fraewahlrecht agefouert. Wéi gëtt doriwwer geschwat? Dat ass interessant, well et si Männer, déi iwwert d’Frae schwätzen. Do ginn et dann heiansdo sou Momenter, wou een am Chamberblietche liest: „Hilarité à gauche, hilarité à droite“. Do gouf also och gelaacht, e bësse Witzercher gemaach, wéi jo haut och nach ëmmer. D’Thematik vun dem Fraewahlrecht hëlt all déi Deputéiert souzesoen doheem of; si hu jo mat Fraen ze dinn! A si schwätzen zwar ëmmer sou objektiv driwwer, mä drënner ass e ganz anere Motor, dee perséinlechen. Déi eng, déi fäerten, fir de Fraen d’Wahlrecht ze ginn, well se kéinte jo da vläicht anescht stëmme wéi erwaart. Ee Politiker fänkt souguer un, a sengem Discours wéi en Dokter d’Gehir vun enger Fra ze sezéieren. An déi aner soen: Nee, au contraire, mir mussen hinnen d’Wahlrecht ginn. Firwat solle mer fäerten, si stëmme sou of, wéi se wëllen. Wéi huet sech d’Sprooch an der Chamber geän- nert, wéi duerch d’Erofsetze vum Zensus nei Leit an d’Chamber koumen? „THEATER AN DER CHAMBER“ Frank Hoffmann, Direkter vum TNL

Access restriction

Copyright

fullscreen: MuseoMag 2019_04

Periodical

Periodical volume

Article

Table of contents

Downloads

Full record

This page

Image fragment

Formats and links

Links

Cite

Full record

This page