18 MuseoMag N°III 2024 D’raimlech Envergure vum Projet huet eis erlaabt d’Präsentatioun op eng alternativ Aart a Weis unzegoen. KUTTER RELOADED! De Champion kontextualiséieren an nohalteg ausstellen: eng Erausfuerderung fir d‘Regie an d‘Konschtabteilung © éric chenal Mat der Ausstellung Dem Kutter seng Gesiichter war eist Uleies, de Champion am Kontext vum Rescht vun eiser Kutter-Sammlung ze weisen. Trotzdeem sollt et keng traditionell chronologesch Präsenta- tioun zum Gesamtwierk vum Kënschtler sinn, wéi dat schonns 1946, 1961, 1995 oder nach 2007 de Fall war. Wat besser wéi de Champion den anere Portraite géigeniwwer ze stellen? Dem Kutter seng Gesiichter mécht deemno Referenz op d’mënsch- lech Duerstellungen, mee och déi verschidde Facettë vum Kënschtler selwer sou wéi och nei Aspekter an der Recherche zu sengem Wierk. Och huet sech de Moment gebuede fir eng aner Approche zu eiser Ausstellungskonzeptioun ze probéieren. Niewent de bekannte Blummebiller a Landschaften, huelen d’Portraiten déi gréisste Plaz am Kutter sengem Gesamtwierk an. Vu senge fréien Ufäng a senger Studienzäit zu München mat méi enger akademescher Molweis bis zu den ikoneschen Duer- stellungen aus den 30er Joren, huet den National- musée eng vun de bedeitendste Kutter-Sammlungen iwwerhaapt. E wichtegen Deel dovunner gouf eis 2009 vun der Catherine Meyer-Kutter, dem Moler senger Duechter, hannerlooss. An thematesche Kapitele weist d’Ausstellung als éischt déi ausgeräiften expressionistesch Wierker wou dem Kënschtler säin typesche markante Stil besonnesch gutt ze erkennen ass. Donieft fënnt een och de Kutter als Familljemënsch mat enger Rei méi intimisteschen Zeechnungen, wéi och Biller déi seng emotionell Isolatioun an der Krankheet refletéieren, oder nach d’Geschicht vum Haus vum Kënschtler – der berüümter Villa Kutter um Lampertsbierg. D’Rezeptioun vum Kutter sengem Wierk am Nationalmusée gëtt schliisslech duerch al Affichen, enger Rei Fotoen an eng Selektioun vu Literatur illustréiert. ALTERNATIV APPROCHE Obwuel Leit wéi de Joseph-Émile Muller, Jean Luc Koltz an Edmond Thill vill iwwert de Kutter recher- chéiert a publizéiert hunn, ass iwwert d’Moltechnik vum Artist net vill gewosst. Am Kader vun der Nuit des Musées 2023 goufe verschidde Wierker aus ei- ser Sammlung méi technesch beliicht. Dat war och d’Occasioun fir eng éischt Recherche zum Kutter senger Moltechnik ze lancéieren. Dës Resultater sinn dann och mat an d’Ausstellung gefloss wou