10 museomag   01 ‘ 2023 
„...DATT ET WELTWÄIT KENG ËNNER- 
DRÉCKUNG VUN DE FRAE MÉI GÉING“  (2/2) 
Kuckt a lauschtert den Interview 
(17 Minutten) andeems dir dëse Code 
mat ärem Smartphone scannt. 
Dës hu Gesiichter vu Frae gewisen, déi haislech Gewalt 
erlieft hunn. „Konscht kann d’Welt net veränneren, [ma] 
e Bewosstsinn [schäerfen],“ behaapt d‘Artistin. 
FIGURATIV MOLEREI AN HIR 
EEGESCHAFTEN 
Ma vun deene bal eenzege Konschtmedien déi vu 
weibleche Kënschtlerinnen dominéiert goufen, wéi z. B. 
d’Performancekonscht, huet d’Berthe Lutgen sech 
distanzéiert fir am Medium vun der figurativer Molerei 
ze schaffen. Si ass dovun iwwerzeegt, datt ArtistInnen 
och an der Zukunft ëmmer an der Molerei schaffe 
wäerten. Déi uewe genannte Konschthistorikerin 
Hessel stellt an hirem neie Buch The Story of Art 
Without Men (2022) d’Fro, firwat am 21. Joerhonnert 
erëm esou vill figurativ gemoolt gëtt. Si freet, ob et 
sech ëm eng Renaissance dovun handelt an ob déi 
rezent Well vu figurativer Molerei an der internationaler 
Konschtgeschicht e Verlaangen no méi Mënschlechkeet 
a Realismus duerstellt. D’Berthe Lutgen ass averstanen, 
d’Figuratioun erlaabt hir hir Messagen op eng méi 
explizitt an éierlech Manéier ze kommunizéieren: “Ech 
ka [mat der Molerei] ausdrécken, wat ech net richteg 
fannen.“ 
Ech soen der Madamm Lutgen villmools Merci fir dat 
spannend Gespréich an hiren onermiddlechen Asaz 
fir d’Gläichberechtegung. Am Laf vum nächste Joer 
kënnt dir am zukünftege Lëtzebuerger Konschtlexikon 
d’Biografie vun der Artistin liesen, déi d’Gosia Nowara 
verfaasst huet. 
Jamie Armstrong 
© 
Maison 
du 
Grand-Duc 
/ 
Sophie Margue