30 museomag 03 ‘ 2022 Marbersstécker vun der Muséesgruewung aus der Réimervilla. „MUSE-MOSAIK“ VU VIICHTEN RELOADED (1/2) EISER ANALYS NO GOUFEN ËM DÉI 653.000 STENG OP DE BËTONG GEPECHT, FIR DËSEN OPUS SECTILE ZE REALISÉIEREN © éric chenal Ugefaangen huet alles mat iwwer 150 Holzkëschten aus dem Joer 1995. Dës Këschte waren en Deel vun der Muséesausgruewung aus der Réimervilla mam „Muse-Mosaik“ zu Viichten a gutt gefëllt mat Schierbe- len a Reschter vun der Wandverkleedung aus Marber. Am Hierscht 2019 war geplangt, an eisem Depot ze raumen an alles wat nach an ale verschimmelten Holzkëschte verpaakt war, ze botzen an ze sortéieren. Et gouf mat klenge Biischten a souguer enger Zänn- biischt a vill Waasser gerengegt. Beim Botzen am Lavage sinn ëmmer méi Marbersstécker mat bis dohin onbekannte geometreschen an amorphe Forme siicht- bar ginn. Nodeems Stécker gedréchent waren, si se an nei Plastikskëschte mat engem detailléierten Ziedel wou d’Inventairenummer, den Datum, d‘Plaz aus der Villa, d’Koordinate vun der Gruewung an d‘Material vermierkt sinn. Et war net liicht sech erëm an dat Thema – no iwwer