6 museomag   02 ‘ 2022 
Den Dictionnaire gëtt als éischt digital verëffentlecht, dofir ass d’Entwécklung vun enger neier Datebank wéi enger digitaler 
Plattform prioritär. 
© 
éric 
chenal 
SCHÉIN DECH KENNENZELÉIEREN! 
D‘GRËNNUNG VUM LËTZEBUERGER KONSCHTARCHIV AM MNHA 
No bal dräi Joer an der Virbereedung ass et elo offiziell! 
D’Lëtzebuerger Konschtarchiv (LKA) ass am Dezember 
2021 rechtlech gegrënnt ginn. Wien ass dat? Wat mécht 
deen? U wien wennt e sech? Gäre stelle mir Iech en op 
de nächste Säite vir! 
De Projet vum Konschtarchiv ass mat der Iddi ent- 
stanen eng Nationalgalerie ze grënnen. Ma et war 
gewosst, datt dofir d’Fundamenter an der Lëtzebuerger 
Konschtwëssenschaft fir d’éischt musse verstäerkt ginn. 
Dat neit konschthistorescht Archiv soll ënnert anerem 
d’Quell fir déi néideg Recherchen op enger Plaz ver- 
sammelen, se zougänglech maachen a se fir déi folgend 
Generatiounen erhalen. Dëst ass eng Viraussetzung fir 
déi lëtzebuergesch bildend Konscht an hire Secteur 
kënnen ze studéieren an historesch opzeschaffen. 
De néien Dokumentatiounszenter vum MNHA riicht 
sech domat u jiddereen deen sech wëssenschaftlech fir 
d’bildend Konscht zu an aus Lëtzebuerg interesséiert. 
An Zesummenaarbecht mat de bestoende Sectiounen 
aus dem Musée sinn aktuell zwou Mataarbechterinnen 
um Opbau dovun bedeelegt. D’Aktivitéite vum Konscht- 
archiv adresséiere sech u jiddereen, ob professionell 
Wëssenschaftler oder Amateurhistoriker, «Konscht- 
liebhaber», Curateuren oder Kritiker. D’Lëtzebuerger 
Konschtarchiv ass och dofir do, datt Kënschtler sech 
kënne mat deem Kontext auserneesetzen an deem si 
selwer schaffen a schafen. 
ENG DOKUMENTARESCH SAMMLUNG 
AN E KONSCHTDICTIONNAIRE 
Mat deem Zil soll a nächster Zukunft en Archivdépôt 
fonnt an ageriicht gi fir déi éischt Archivfonge kënnen 
opzehuelen. Sou e Fong kann Dokumenter enthalen 
déi hëllefen de Kontext an deem e Konschtwierk ent- 
stanen ass nozevollzéien an d’Aarbechte kënnen ze 
interpretéieren. Dozou gehéieren z. B. Skizzen- an 
Tagebicher, Bréiwer, Inspiratiounsmaterial oder bio- 
grafesch Dokumenter wéi Päss oder Diplomer. Iwwert 
d’Fonge vu Kënschtler eraus, solle méi spéit och déi vu 
Leit an Associatiounen opgeholl ginn, déi am Secteur 
aktiv waren. Well mir ons nach an enger Opbauphas 
befannen, kënnen aktuell nach keng Archivfongen 
opgeholl ginn. Gläichzäiteg sammelt d’Lëtzebuerger 
Konschtarchiv och Dokumentatioun aus der Aktualitéit, 
wéi z B. Ausstellungsflyeren a Pressenartikelen. 
Am deem Kader gesäit e neien Dictionnaire d’Liicht. 
Zënter Abrëll 2021 ass d’Malgorzata Nowara, no 12 Joer 
als Conservatrice vun der Sectioun des Beaux-Arts,