10 museomag   04 ‘ 2021 
No laanger Entwécklungszäit ass de Projet, deen ze- 
summe mat der Produktiounsfirma ZEILT ausgeschafft 
gouf, endlech räif fir de Startschoss. Ab der Rentrée ass 
eng nei Handysapplikatioun fir jiddereen disponibel. 
Se soll besonnesch Famillje mat Kanner uspriechen an 
dem jonke Public op eng spilleresch Aart a Weis de 
Lëtzebuerger Patrimoine méi no bréngen. Verschidde 
kulturell Sitten uechter d’Land gi virgestallt, ënnert 
anerem eis Muséeën um Fëschmaart an am Park Dräi 
Eechelen an déi réimesch Villa um Séi zu Iechternach. 
E SPILLERESCHEN ZOUGANG 
ZUR NATIONALER KULTUR 
D’Spill soll en pedagogeschen Zweck erfëllen, dohier 
hunn déi Responsabel vun de Muséessammlunge beim 
Ausschaffe vum Contenu och all hire wëssenschaft- 
leche Know-how mat afléisse gelooss. D’Usere kënnen 
esou méi iwwert déi verschidde kulturell Sitten gewuer 
ginn, respektiv néi Plazen am Lëtzebuerger Land kenne 
leieren a besichen. Mat deem Tool sollen d’Kanner selwer 
zum Entdecker ginn an zesumme mat de fir dëse Pro- 
jet erfonnte Personnagë méi iwwert d’Lëtzebuerger 
Geschicht a verschidde Géigestänn gewuer ginn, déi 
hinnen op hirem Wee begéinen. D’Figuren, déi duerch 
d’Applikatioun féieren, kenne vill Leit vläicht scho vun 
der Tëlee: um Lëtzebuerger RTL an um belschen RTBF 
leeft säit leschtem Summer d‘Zeechentrickserie Nächst 
Statioun, an där eng Equipe vu gréngen ausserierde- 
sche Männercher eise Planéit Äerd auskundschaft an 
onsécher mécht. 
An der App ginn d’Kanner vun de sympatheschen 
Haaptpersonnagë Mish, Klaus a Papish geleet a kréie 
vun hinne verschidde Missiounen. Wéi an engem 
Videospill kënnen d’Kanner esou mat all richteg beänt- 
werter Fro an all gepackter Aufgab op verschiddene 
Statioune Punkten respektiv Ressource sammelen a 
Duerch de ganze Musée verdeelt fënnt een elo d‘QR Coden vun „Nächst Statioun“. 
KULTUR KANNERGERECHT   
MAM HANDY ENTDECKEN 
MAT SPILL A SPAASS DUERCH DE MUSÉE