26 museomag   04 ‘ 2019 
KULTURELL UREEGUNG 
AM STIL VUN ENGEM VIDEOSPILL   
AM JULI WAR ENG SCHOULKLASS AM MNHA OP BESUCH FIR „LIVE“ ENG ÉISCHT 
VERSIOUN VUN DER HANDYSAPPLIKATIOUN VUN DER FIRMA ZEILT ZE TESTEN 
© 
éric 
chenal 
Schonn zënter e puer Méint ass den MNHA am 
Gaang zesumme mat der Produktiounsfirma ZEILT 
fläisseg un engem innovative Projet mam Titel „Nächst 
Statioun“ ze schaffen, dee Famillje mat Kanner oder 
Schoulklassen aus der Primärschoul uschwätze soll. 
Mat der Ënnerstëtzung vum Kultur- a vum Educa- 
tiounsministère entwéckelt ZEILT eng Handysappli- 
katioun, déi den nationale Patrimoine valoriséieren a 
Kanner eis kulturell wichteg Plazen zu Lëtzebuerg soll 
op eng spilleresch an innovativ Aart a Weis méi no 
bréngen. Den Nationalmusée um Fëschmaart, de 
Musée Dräi Eechelen an déi réimesch Villa zu Iechter- 
nach si just e puer vun deene Sitten, déi den Notzer 
duerno mat deem Outil wäert erfuersche kennen. 
SKURRIL, AWER SYMPATHESCH   
FIGUREN 
Mat deem Tool sollen d’Kanner selwer zum Entdecker 
ginn an zesumme mat de fir dëse Projet erfonnte Co- 
mic-Helde méi iwwert d’lëtzebuerger Geschicht a ver- 
schidde Géigestänn gewuer ginn, déi hinnen op hirem 
Wee begéinen. D’Figuren, déi duerch d’Applikatioun 
féieren, sinn éischter ongewéinlech: e Grappvoll Aus- 
serierdescher, déi méi iwwert eise Planéit Äerd wëlle 
gewuer ginn – skurril, awer sympathesch. 
D’Haaptpersonnagë Mish, Klaus a Papish huelen 
d’User mat op eng Entdeckungsrees a guidéieren se 
duerch méi oder manner schwéier Quizzer, lëschteg 
Anekdoten iwwert kulturell oder historesch Faiten, 
wéi och Missiounen, bei deenen een Indizie kombi- 
néieren an no bestëmmten Objete siche muss. Am 
Stil vun engem Videospill kënnen d’Kanner esou op 
verschidde Statioune Punkte sammelen a weider 
Spillfunktioune fräischalten. Op all Site gëtt et 
natierlech aner Geschichten ze entdecken. Zousätzlech 
zur App ginn och kuerz animéiert Filmercher a Form 
vun enger Serie gedréint, déi 2020 op RTL Tëlee 
diffuséiert wäerte ginn. An all Episod huelen déi 
witzeg gréng Charakteren en aneren Aspekt aus der 
lëtzebuergescher Geschicht respektiv en anere 
kulturelle Site ënner d‘Lupp a stellen e fir. 
Nodeems en Objet vun der Handykamera erfaasst gouf, kruten déi Jonk zousätzlech Informatiounen doriwwer – an natierlech hier 
wuelverdéngte Punkten am Spill