35 03 ‘ 2017   museomag 
behind the sCenes 
Ët kann een esou gutt virbereet sinn, wéi een wëll – 
Imprévuën gin ët bei engem Ausstellungsmontage 
wuel ëmmer: Objete, déi nët eegestänneg an der 
Vitrinn stoen bleiwen an fixéiert musse ginn, falsch 
Buchstänner, déi matgeliwwert goufen an déi 
kuerzerhand ersat mussen ginn, Grafsteng, déi anstatt 
50 Kilo mol locker dat duebelt op d’Wo bréngen… 
Dës (éischter kleng) Problemer goufen vun eiser 
portugisesch-lëtzebuerger Equipe mat ganz vill Rou, 
Suergfalt a groussem Professionalismus geléist. Ët 
kann een wuel behaapten, dass alles reiwungslos verlaf 
ass an d’Ausstellung mat engem flotten Vernissage 
opgemaach ginn ass. Ee grousse Merci un all di 
Bedeelegt och nach eng Kéier vun dëser Platz! 
Matt dësem klengen Abléck hannert d’Kulissen vun 
der Ausstellung sidd Dir jo eventuell virwëtzeg ginn, 
fir Iech d’Resultat ukucken ze kommen? D’Ausstellung 
ass bis den 15. Oktober 2017 ze gesinn an bitt e ganz 
flotten Programm (thematesch Visite, Konferenzen, 
Ateliers, ...). Mir freeën eis op Iech! 
Fabienne Pietruk