29 02 ‘ 2016   museomag 
and the Winner is... 
Am Kader vum dësjäerege Media Awards Concours 
huet d’Agence 101Studios vun Déifferdeng de 
Publikumspräis gewonnen an der Kategorie 
„Presse“ mat der Campagne, déi si fir den MNHA 
an Optrag kruten: „No More Excuses“ huet 
d‘Erëffnung vum Wiltheim-Fligel staark geprägt. 
Mir hun dem 101Studios-Team (Daniel Clarens, 
Marc Laroche an Claire Thill) dräi Froë gestallt. 
Wat huet dëse proJet «réouver- 
ture aile Wiltheim» fir iech bedeit? 
101Studios huet als laangjärege Partner dem Musée 
seng Besoinën a Projetë scho gutt kannt, an esou 
konnte mir eis direkt mat dëser Iddi identifizéieren. 
Sou as dës Campagne zu engem Häerzeprojet gi 
wou mir eis Aarbecht mat eiser Kreativitéit, Freed a 
Spaass verbanne konnten. Fir eis jonk Entreprise war 
et déi éischt crossmedial Campagne op nationalem 
Niveau, wou mir d’Chance haten nët nëmmen e 
nationale Client ze hun, mee e Partner, deen eis dat 
vollste Vertraue geschenkt an eis nët an eiser kreativer 
Entfalung gestoppt huet, deen eis encouragéiert huet, 
méi wäit ze goen. 
Wat representéiert dëse präis fir 
iech? 
De Präis as déi konsequent Belounung a representéiert 
och dat egentlecht Ziel: Beim Publikum, bei de Leit 
dobausse gutt ukommen. 
Oft verkënnt eng Campagne zu enger Strategie 
a Publicitéitsschluecht. Mir hun en extreme Fokus 
dorobber geluegt, de Message esou kloer an esou 
pointéiert wéi méiglech kënnen duerzestellen an dem 
Musée eng nei Touche ze gin. D’Publikum huet dëst 
gewierdegt an doriwwer si mer houfreg. 
huet sech eppes Zënter dëser un- 
erKennung fir iech geännert? 
Eis Kär-Kompetenze leien an der Higab zu engem 
Projet. Mir gin eis Aarbecht mat der gläicher Präzisioun 
a Leidenschaft u wéi virdrun. D’Philosophie vun 
101Studios as dorobber ausgeriicht dem Client eng 
moossgeschneidert Léisung ze bidden, an dëst wäerte 
mir och bäibehalen. Dem Client seng Problemer sin eis 
Erausfuerderungen. Dat Eenzegt wat sech geännert 
huet as dass ët der elo vläicht e puer méi gin. 
© 
éric chenal